كابتن ربيع ياسين اللي بيحفر في الصخر بمجهوده لا له علاقات ولا بيشخلل عشان يعدي واللي قرب من المجال عارف الدنيا بتمشي ازاي . هل كابتن ربيع هيتفق مع وكيل مثلا يجيبه نادي ويحيبوا صفقات عن طريق الوكيل وكابتن ربيع ياخد نسبة اكيد لا . مش كل المدربين كده بس حتى العلاقات هو مبيعرفش يرفع السماعه يكلم حد عشان يشغله ولا بيعرف يخبط على باب عبد بيخبط على باب ربنا وبس.
عدم إتاحة الفرصة بالدوري العام
هل يعقل ان مدرب ياخد كاس الأمم مع الشباب ويكون جيل ويطلع لاعبين متجيلهوش فرصة يشتغل كل السنوات دي ولو تجربة واحدة في الدوري الممتاز وهل الوجوه اللي حفظناها واللي عمرها ما قدمت حاجة مكنش كابتن ربيع ياسين يستحق فرصة على حسابها
تواضعة واخذة بالاسباب
عمره ما حس بالخجل ان رغم انه عارف امكانياته وانه مدرب واسم كبير ان يعيبه انه يشتغل مع فريق في الدرجة التانية. اشتغل مع بتروجيت استعان بالصديق ايمن محمد محلل اداء واخد بكل سبل التدريب الحديثة وبتروجيت اللي كان بينافس على الهبوط للدرجة التالت حقق نتائج مثالية وانتصارات ممتالية وصعد بالفريق لنصف نهائي كأس مصر
التزامة الفائق بالتدريبات
غمري في اعداد الأهلي خط احمر راح يسجل تقرير معاه من شهر تقريبًا لقى كابتن ربيع بيعمل تدريب اليوم الكامل زي اوروبا . بيروح النادي ٧ الصبح عشان يبدأ اللاعبين تدريب الساعة ٩ قبل التدريب المسائي واللاعبين بيروحوا وبيفضل هو للساعة ١١ بليل شغال على تحليل الاداء والفيديوهات
المثالية والنموزجية
كابتن ربيع ياسين نموذج لان لسه فيها أمل وان امثال الهجاصين من المحلليل والمدربين ممكن يضحكوا على الناس لفترة بس في النهاية الناس هتضحك عليهم انما اللي زي كابتن ربيع هتفضل تحترمه لاخر لحظة.
إنجازاته وبطولاتة
كابتن ربيع ياسين عمل كل حاجة في الكورة اخد ٧ بطولات دوري مع الاهلي واخد ٥ كأس مصر واخد بطولات افريقيا ولعب مع المنتخب أولمبياد واخد مع المنتخب كأس امم افريقيا ولعب كأس عالم بس هو قيمته مش في كل دة في لاعبين تانيين ممكن يشاركوه في الارقام دي انما محدش يقدر يشارك ربيع ياسين في قلبة الابيض وفطرته النقية.
