تحليل مباراة الأهلى والمصرى
الشوط الأول
🔶️شوط أول بعنوان(الأخطاء الكارثية)الحقيقة يا جماعه إحنا مش هنقدر ندوس على الأهلى فى الأداء وكتر خير الدنيا إن الأهلى فى ظل الإجهاد المتواصل والإصابات والغيابات وضغط المباريات ده إن الأهلى بيحصد الثلاث نقاط.
تفوق الأهلى
تفوقه قاريا ورفع إسم مصر عاليا داخل القارة وخارج القارة فى كأس العالم للأندية ورغم إجهاد الأهلى وإرهاقه من أجل الخروج من بطولة إفريقيا وكأنها حملة ممنهجة ولن يسقط الأهلى رغم أنف الحاقدين والكارهين والمتواطئين و المنتفعين.الأهلى يلعب بإسلوبه
🔶️مبدأيا لن يستطيع الأهلى فى ظل الظروف اللى اتكلمنا عنها إنه يلعب بإسلوبه وطريقة لعبه المعتادة وهى الإستحواذ وفرض السيطرة وفرض الشخصية والهوية داخل الملعب لان ده محتاج جهد بدنى كبير خصوصا مع خصم عنيد بيمتلك مفاتيح لعب ولا يعانى من أى إجهاد ولا غيابات ومدرب جيد بيعرف يذاكر المنافس بشكل جيدكثافات عدديه للمصري
🔶️ولأن فريق المصرى عامل كثافات عدديه فى منتصف الملعب وبيلعب بضغط عالى وقافل على باكات وحارم لاعبى الأهلى من التحضير والخروج بالكرة من الخلف فقرر موسيمانى يلعب على المرتدات السريعه عن طريق شريف وكهربا والشحات.ملخص الشوط الأول
🔶️أبرز ما فى الشوط الأول خطأى المديرين الفنيين سواء على ماهر أو موسيمانى.علي ماهر
💠خطأ على ماهر : مينفعش تقابل الأهلى بضغط عالى وهو عنده أسرع ٣ لاعبين فى مصر وأكثرهم قدرة على. اللعب فى المساحات فبرغم إمتلاك المصرى لنص الملعب والإستحواذ إلا كان بمقدور الأهلى تسجيل أكثر من ٣ أهداف لو أتقن قفشه وكهربا والشحات اللمسه الأخيرة والقبل الأخيرة.موسيمانى
💠خطأ موسيمانى : مينفعش تتتفرج زيك زى المشاهدين على نقطه القوة الوحيده اللى عند المصرى وهى الجانب الشمال بدون أى تدخل فنى منك سواء بتغييرات من داخل الملعب أو من على دكة البدلاء فكان المصرى بإمكانه تسجيل من ٣ ل ٤ أهداف فى الشوط الأول بسبب جبهة أحمد رفعت.فقد الكرة من الأهلى
🟢إفتقاد لاعبى الأهلى للكرة الثانية هو من وضع الأهلى طول الشوط الأول تحت الضغط.أخطاء التمركز
🟢التمركزات الدفاعية الخاطئة وسوء الرقابه داخل منطقه الجزاء هى سلبية تكررت فى أخر ٤ مباريات الأهلى سواء ( الزمالك أو سموحة أو إنبى أو المصرى ).شوط ثانى بعنوان (كان من بدرى يا بيتسو)
بداية الشوط الثاني
🔴بدأ الأهلى الشوط الثانى بتغييرين مهمين جدا بنزول ديانج وطاهر مكان كهربا وبيكهام وأعتقد تغييرتين كلهم ذكاء فأكرم رحل للباك اليمين عشان يقفل على جبهة رفعت وقفلها نسبيا لأن بيكهام عنده شويه تهور وديانج أعاد الإتزان نسبيا لنص الملعب وطاهر عنده القوه فى الإلتحامات اللى بيفتقدها كهربا والسرعه.اختراق لأكرم
🔴ولان أكرم عنده الجانب البدنى جيد وإكتسب ميزة أداء الواجبات الهجومية لعبه فى نادى الجونه قدر من جمله ثلاثيه إنه يخترق ويضع اللفندى محمد شريف وجها لوجه والمرمى خالى ليسجل هدف الفوزهجمات المصرى
🔴بعدها كثف المصرى من هجماته عن طريق جبهته الناريه أحمد رفعت ولكن معظم الكرات العرضيه تعامل معها سعد وربيعة كوكاتغيير الشحات
🔴فأيقن موسيمانى أن جبهة رفعت مازالت تشكل خطورة فعمل تغييره ذكية بخروج الشحات ونزول هانى لغلق الجبهه على رفعت اللى أصبح يعمل العرضيات ولكن من أماكن بعيده تسهل من مأموريه الشناوى وقلبى الدفاع.إصلاح موسيمانى
🔴حاول موسيمانى سحب لاعبى الأهلى لنص ملعب المصرى بنزول صلاح محسن ومروان محسن عشان يخف الضغط نسبيا على خط دفاعه وكان بمقدور لاعبى الأهلى رغم الهيمنة والسيطرة المصرى أن يسجلوا بدل الهدف ٣ أهداف لولا الرعونه والقرارات الخاطئة لطاهر ومروان وصلاح.مكاسب المباراة :
◀️أهم مكسب الثلاث نقاط والمحافظه على المنافسه على درع الدورى◀️عوده الإخطبوط لحمايه عرين الأسد والشناوى أحد نجوم اللقاء
◀️ كوكا بيستوى يا جماعه على نار هادية وشكرا موسيمانى على إكتشافه فى المركز ده
◀️ يسلم اللى قال أكرم لازم يرجع صاحب الثلاث رئات
◀️ إستمرار تألق وتسجيل أفضل مهاجم فى مصر غصب عن أى حد محمد شريف.